HSN code kya hai aur kitne digit chahiye
Har product ka ek sarkari code hota hai. Galat hua to return reject ho sakta hai, aur rate bhi galat lag sakta hai.
HSN aur SAC
HSN samaan ke liye, SAC service ke liye. SAC hamesha 99 se shuru hota hai.
Poori list mein 22,616 code hain. 21,935 HSN aur 681 SAC. Ye GST portal pe hi milti hai.
Kitne digit chahiye
Pichhle saal ka turnover ₹5 crore se kam hai to 4 digit kaafi hai. Us se upar hai to 6 digit chahiye.
Dhyaan do, pichhle saal ka, is saal ka nahi.
Galat code ka nuksan
Agar code GST ki master list mein hai hi nahi, to portal file reject kar deta hai. Ek asli Amazon file mein 770 aur 7724 mile, dono exist hi nahi karte, kisi ne haath se type kar diye the.
Usi file mein 144 row aisi thi jinme HSN tha hi nahi. ₹32,400, yaani us seller ke 9 percent turnover ka. Aisi file upload nahi ho sakti.
Rate bhi code se judta hai
Ye zyada gambhir baat hai. Usi Amazon seller ka lagbhag pura catalogue 3 percent pe tha. 3 percent jewellery ka rate hai. Par usme plastic ke chammach, steel ka kitchenware aur lakdi ka saamaan bhi tha, jo 12 ya 18 percent hota hai.
Agar rate galat hai to kam tax collect hua, aur wo difference byaaj ke saath bharna padega. Isliye code sirf return ke liye nahi, business ke liye theek karo, seller panel mein bhi.
Sawaal jawab
Code kahan se dhoondhu?
Hamare HSN finder mein product ka naam likho. Chhote code pehle dikhte hain, kyunki ₹5 crore se kam turnover pe 4 digit kaafi hai.
Marketplace ne khud HSN bhar diya hai, sahi hai kya?
Wo wahi dikhata hai jo aapne SKU banate waqt bhara tha. Galat bhara to galat hi rahega. Ek baar check kar lena behtar hai.
Ab khud bhar ke dekho
Tool free hai. File upload karo, Didi check karegi, aur portal pe upload karne layak file mil jayegi.
Kuch samajh nahi aaya? WhatsApp kar do.
We answer questions for free, even if you never buy anything.
We answer questions for free, even if you never buy anything.