Meesho seller ka GST return kaise bhare, pura tareeka
Meesho pe bechte ho to har mahine GSTR-1 bharni padti hai. Sabse badi confusion yahi hai ki kaun si file leni hai aur return ka minus kaise hota hai. Ye guide wahi clear karta hai.
Pehle sahi file nikalo
Supplier Panel mein jao, phir Payments, phir GST Reports. Mahina choose karo. Teen file milengi aur teeno chahiye.
- tcs_sales.xlsx, mahine ki saari sale
- tcs_sales_return.xlsx, jo wapas aaya
- Tax Invoice, invoice numbers, Table 13 ke liye
Sabse badi galti: sirf sales file lena
Bahut se sellers sirf tcs_sales.xlsx download karte hain aur return file chhod dete hain. Uska matlab hai ki wapas aaya maal aapki sale mein gin liya gaya, aur aap us par tax bhar rahe ho jo aapne kamaya hi nahi.
Meesho pe return rate 30 se 40 percent tak hota hai. Ek seller ki August ki file mein sale ₹4,09,970 thi aur return ₹1,48,872, yaani 36 percent. Return file na dete to wahi ₹1.48 lakh pe faltu tax bharna padta.
Sales file mein bhi minus wali rows hoti hain
Ye wo cheez hai jo zyadatar log nahi jaante. tcs_sales.xlsx mein kuch rows negative hoti hain, quantity zero, manifest date khaali. Ye price adjustment ya claim hote hain.
Us hi seller ki file mein aisi 74 rows thi, total −₹2,548.91. Agar aap seedha sales minus returns karoge to turnover itna zyada dikhega. Har row ko jodna padta hai, chahe minus ho.
State ke naam do file mein alag hote hain
Sales file mein state bade akshar mein hoti hai, return file mein chhote. Aur spelling bhi alag hoti hai.
- CHATTISGARH sales mein, Chhattisgarh return mein, ek "h" ka fark
- JAMMU AND KASHMIR bनाम Jammu & Kashmir
- PONDICHERRY banam Puducherry, naam hi alag hai
Kuch state minus mein chali jaati hain
Maan lo Kerala mein is mahine ₹8,000 ki sale hui aur ₹12,000 ka maal wapas aaya. To Kerala ka net −₹4,000 ho gaya.
Ye normal hai, kyunki wapas aaya maal pichle mahine ka bhi ho sakta hai. GST portal aisi minus value accept karta hai, humne sarkar ke apne offline tool mein check kiya hai. Table 7 net summary hai, isliye minus sahi jawab hai.
Ek seller ki August ki file mein aisi 14 state thi, total −₹3,061.83. Sab return mein rahi, hataayi nahi gayi.
Shipping alag se mat jodo
File mein taxable_shipping naam ka column hai. Wo already total_taxable_sale_value ke andar hai. Alag se jodoge to turnover 25 percent tak zyada dikh jayega.
Check karne ka tareeka: taxable + tax = invoice value. Har row pe milna chahiye. Milta hai, matlab shipping andar hai.
TCS 0.5 percent hai, 1 percent nahi
July 2024 se TCS rate aadha ho gaya. 1 percent se 0.5 percent. Kuch websites abhi bhi 1 percent likhti hain. Flipkart aur Amazon ki apni report mein 0.5 hi likha hai.
Galat rate se hisaab lagaoge to reconciliation kabhi match nahi karega.
Sawaal jawab
Tax Invoice file zaroori hai kya?
GSTR-1 ka Table 13 usi se banta hai, kitne invoice issue kiye. Uske bina return upload to ho jayega par adhoora rahega.
Do marketplace pe bechta hoon, do return bharun?
Nahi. Ek GSTIN ka ek hi return. Meesho aur Flipkart dono ka data jodkar ek return banta hai. Ek hi state aur rate dono jagah ho to unhe jodna padta hai, alag-alag nahi likhna.
Return zyada ho gaya to next month adjust hoga?
Minus value usi mahine ke return mein reh sakti hai, portal accept karta hai. Us se aapki us mahine ki tax liability kam ho jaati hai.
Ab khud bhar ke dekho
Tool free hai. File upload karo, Didi check karegi, aur portal pe upload karne layak file mil jayegi.
Kuch samajh nahi aaya? WhatsApp kar do.
We answer questions for free, even if you never buy anything.
We answer questions for free, even if you never buy anything.